Os pasados días 10 e 11 de Novembro celebramos as Xornadas alg-a á superficie na Sala x da Facultade de Belas Artes de Pontevedra. Un encontro a modo de presentación física da comunidade-web de Alg-a no ámbito universitario.

Aproveitando a celebración do Sonora 2005 no Cuvi en Vigo puidemos contar coa presencia de Voluble dende Sevilla, asi como de organismos Alg-a.

Agradecemos dende aquí a participación de tódolos artistas nas performances e concertos, as charlas etc. que fixeron posible coa súa presencia desinteresada o evento. Tamén facer fincapé na necesidade de poder realizar este tipo de iniciativas cun orzamento mínimo, que neste caso foi de cero euros. A necesidade de valorar o traballo e sentirse ben co que fas. Darlle as gracias tamén ó decanato da facultade, a Delegación de alumnos e tódol@s que dalgún xeito estiveron axudándonos nesta proposta.

Nestas xornadas presentamos o software Perrogato, o recopilatorio do Net label de Alg-a (que pronto subiremos como referencia), a Mediateletipos, a plataforma Zemos98 etc. Aquí van algunhas fotos do evento, se queredes ir subindo algunhas máis podemos facer o dossier on line.