- Netlabel alg-a
- Galería alg-a
- Videolabel alg-a
- Textos alg-a
Fai uns meses alguén lle preguntaba nas redes sociais a Liqen: ¿qué estás pintando todo México?. Unha boa pregunta realizada desde a fascinación por todo o traballo realizado polo artista galego desde a súa actual base en Oaxaca.
Recentemente participou en Miami no Wynwood Walls, Art Basel pintando un enorme mural que reflexiona sobre o laberíntico entramado de Wall street. Cos múltiples detalles que lle caracterizan, do branco ao negro e en todas as súas variables recrea un universo moi persoal. Atopámonos cun bestiario actual, baseado nas mutacións con numerosas reminiscencias a insectos e animais, a maquinaria imposible e imaxinería onírica.
Fotos por Liqen.
Baixo a miña ignorancia e desde as miñas profundidades, este mural conta unha historia de ficción que non se afasta da realidade. No mural aparecen filas de executivos financeiros perdidos nun labirinto onde a única saída parece ser o lume. Completamente dirixidos pola avaricia dos cartos e condenados sen que parezan sabelo: ao cambio. Por iso é polo que moitos sufran mutacións e transfórmanse en vermes, ratas ou cascudas. Uns converteranse en detrito, outros en po ou tal vez convértanse en bonitas bolboretas,...
Transformar a realidade cortando e pegando a carne das formas de vida da nosa natureza, é un xeito de gozar da arte, como un poder transformador. Pódese dicir que temáticamente é un traballo de ciencia ficción cunha crítica cara á nosa especie, un surrealismo crítico.
A súa elaboración durou 12 días, feito con pintura plástica e pinceis.
Liqen
Fotos por Martha Cooper
HCTN EPISODE 1 : INTRODUCING THE WALLS from Here Comes the Neighborhood on Vimeo.
