Antonte recibín este libro, e estou tan contento con el que volo poño aquí para que o pilledes si vos interesa o tema da cacharrada.

O libro chámase "Making Things Talk. Practical methods for connecting physical objects"
Está publicado pola editorial O’reilly con data de setembro do 2007 na súa primeira edición.
Está soportado pola estupenda Make magazine, dende donde se poden baixar os códigos de tódolos exemplos e exercicios que trae o libro.
O autor é Tom Igoe, de quen xa falamos en varias ocasións facendo referencia á súa páxina web, chea de recursos e información sobre computación física e creación de interfaces físicas.
Tom Igoe é un dos responsables da placa Arduino -si vos fixades o seu nome aparece escrito na superficie da placa, xunto ao de David Cuartielles, M. Banzi, G. Martino e D. Mellis- e é profesor das asignaturas: Introduction to Physical Computing, Sculpting with Data, Networked Objects, Sensor Workshop, Physical Computing Studio, dentro do Interactive Telecommunications Program da Universidade de Nova Iorque, é decir no ITP da NYU.

O libro en si está escrito nun formato puramente educativo, a modo de tutoriais e exemplos repartidos polas diversas seccións, para presentar da forma mais fácil cómo construír cacharros e facelos comunicar entre si.
Tódolos exemplos prácticos están moi ben documentados con fotografías do proceso (esas típicas fotos da placa cos cables conectados aos correspondentes pins e resistencias) e máis o código do programa en cuestión. Polo que se antoxan moi fácil de realizar.

Os cacharros empregados son básicamente arduínos (microcontrolador, moito), processing (interactive graphical software), Wiring (microcontrolador, moi pouco), Lantronixs (network module), Xbee (hardware for wifi communication), RFID readers, etc... Pero non vos asustedes, o libro mostra os proxectos de tal forma que o fai moi entretenido e apetecible. Ademáis está orientado a xente de moitos ámbitos distintos e non se precisan moitos coñecementos previos para meterte de cheo nos exercicios.

Total, que ao rematar de ler e facer os proxectos do libro, que é o que se supón que imos saber?

+ Comunicar obxectos via wifi.
+ Comunicar obxectos via network.
+ Recoñecemento de obxectos a través de webcams e video.
+ Comunicar obxectos via bluetooth.
+ Comunicar todo tipos de sensores co ordenador.
+ etc...

Sempre coa finalidade de aplicar estes coñecementos a proxectos creativos.

Por último decir que Tom Igoe tamén ten escrito outro libro chamado "Physical Computing: Sensing and Controlling the Physical World with Computers", máis antigo (sin arduinos), pero que semella igualmente interesante.