Sabíades que a auga non é necesaria para facer un wáter?

Sabíades que un baño de compost é unha alternativa simple, barata e ecolóxica?

Sabíades que no alg-a lab non hai onde facer pipí?

Nunha semán poñemos todo na práctica coa construción dun baño seco no alg-a lab [sábado 3 e domingo 4 de outubro].

Convidámosvos a participar no obradoiro, cos grandísimos expertos César Lema e Ivan Novóa, da Rede de Permacultura Ibérica, ó carón da orientación e información.

Como sabemos que o traballo ó sol (optimismo escocés) cansa, polas tardes temos unhas fantásticas propostas lúdicas:

O sábado:

* Teddy da Cova dos Ratos deleitaranos cun concerto Piano Sorpresa. * Manolo Pipas presentará o seu terceiro poemario, A Milpa e o Paliacate, baseado nas súas amplas e inacabadas aventuras en México, misturando ecoloxía e acción social.

O domingo: * Proxección do documental Volem rien foutre al païs [que traballe Rita] sobre o decrecemento.

Que vos falta? Tedes arte, ideas, natureza, boa compañía e colaboración.

Trae de xantar e as bebidas podes mercalas no Lab.

Adxunto cartel e aquí instrucións sobre o baño seco [moi importante lelas antes de asistir]. http://www.josephjenkins.com/downloads/manual_spanish.pdf

Podedes inscribirvos en info@alg-a.org , chamando ou enviando teus datos nun SMS ao 622 129 500

E por favor, difunde a noticia!