Hoxe pola tarde partimos para Barcelona para unha nova cita co Sónar 2008. E o faremos nese tren idílico que tarda 17 horas cando non son 21. O máis positivo é que cando cheguemos a Monforte de Lemos, o noso querido Berio Molina aparecerá no tren que ven de Lugo. Un momento para o reencontro despóis de ter estado este ano estudando en Rochester na Rit en EEUU e telo merodeando tan só virtualmente polos nosos cuartos, e tamén en ceas e reunións.

Berio e Hermi na sobremesa dunha cea.

As nosas crónicas dende alí centraránse sobre todo nos contidos que ofrecen nos espazos SonarMática, Sonarama e Sónar á Carta que incluen conferencias, exposicións, proxeccións e actuacións baixo o título "O Cine Máis aló do Cine".

Programa Áreas expositivas

Vangarda e multiculturalidade protagonizan un Sónar liderado por mulleres e pola variedade estilística.

As áreas expositivas -SonarMática, Sonarama e Sónar á Carta- acollen diferentes mostras en torno ao pasado, o presente e o futuro das tecnolo- xías e as linguaxes cinematográficas. En Sónar á Carta e nos debates e conferencias participarán os cineastas Jonathan Caouette e Bigas Luna.
O festival inaugura Sónar Radio, un proxecto de continuidade como escenario permanente do festival durante todo o ano. Durante os tres días do festival, Sónar Radio será a conexión directa e en vivo con todos os escenarios.